التاج الإخباري -

بقلم: بلال العجارمة

شكلك مفكر التلفزيون الأردني دكّان خسرانه حتى تقترح خصخصته، وتوزيع الموظفين على الدوائر الحكومية يا طارئ!!

هاي مؤسسة وطنية عمرها من عمر ذاكرة الأردنيين، خرّجت قامات، ووثّقت تاريخ بلد، وكانت حاضرة بكل أفراح الأردن وأحزانه وحروبه وإنجازاته ، باختصار كانت (نور على الجار ونار على الطارئ!)
انتقد ما حدا ماسكك وسولف عن أخطاء أو تقصير أو ضرورة تطوير !بس اتذكر انه الي وده ينتقد مؤسسة وطنية لازم يكون وطني مش طارئ!!

في فرق كبير بين النقد وبين التهكّم على مؤسسة وطنية وموظفيها هذا الفرق اسمه احترام الناس واحترام البلد ومؤسساته ، بس الي مثلك ما ينعتب عليه لانك طارئ!!

أما قصة (قطاع خاص على قد الإيد) و(أمرك سيدي) فبلاش خفة دم ، لانه هاي إساءة رخيصة لناس بتشتغل، ولمؤسسة إلها تاريخ أكبر بكثير من واحد اسمه وصفته طارئ!!
واذا مفكر انه لما تستخف بكل شيء وطني تكون جريء فأنت غلطان وساعتها الكل رح يقولك طارئ!!

وبالنسبة الغربال تبعك الي بده هز …
فالأولى يهزّ صاحبه شوي، يمكن يفرّق بين النقد والإساءة مثل ما فرق بين الوطنيّ والطارئ!!