التاج الإخباري -

نعت والدة الطفل عمرو الشواهين نجلها بكلمات مؤثرة، بعد وفاته إثر غرقه في بركة شاليه داخل مزرعة في محافظة إربد، معبرة عن حزنها العميق وعدم قدرتها على استيعاب رحيله.

وقالت الأم في منشور رثاء إن ما كان في السابق مجرد حلم أصبح واقعا مؤلما تستيقظ عليه كل يوم، مؤكدة أنها لا تستطيع تصديق أن ابنها قد رحل ولن يعود.

واستذكرت خوفها الدائم عليه وحرصها على تحذيره من كل ما قد يؤذيه، مشيرة إلى أنها لم تتخيل يوما أن تتحول كلماتها إلى حقيقة.

وتاليا نعي والدته:

كإن اللي صار مجرد حلم، ولسا بستنى أصحى منه وألاقيك جنبي.

مش قادرة أصدق إنك رحت ... وإنك ما رح ترجع.

زمان لما كنت بدي أحذرك من أي غلط، كنت أحكيلك إذا بتعمل هيك بتموت ويبطل عنا عمرو.

عمري ما تخيلت ولو للحظة إنه هالكلمة ممكن تصير حقيقة يوم من الأيام.

مش قادرة أتزكر كل الأيام الحلوة قد ما صورة آخر لحظاتك مسيطرة على بالي.. صورة روحك وهي بتطلع بين إيدي ما عم تفارقني ولا ثانية.

كان نفسي أقدر آخد وجعك عنك، كان نفسي أعطيك من روحي ومن عمري، كان نفسي أعمل أي إشي حتى تضل معي.

بوعدك رح تضل معنا.. ورح أضلني ام عمرو

الله يرحمك يا روحي يا قطعة من قلبي يا زلمتي يا سندي يا أول فرحتي يا أغلى ما عندي رح تضل بقلبي وبكل تفصيلة من حياتي، لآخر يوم بعمري.