التاج الإخباري -

نشر المحامي سليمان النابلسي عبر صفحته على موقع فيسبوك منشورًا مدح فيه الفنان عمر العبداللات، معتبرًا صوته جزءًا من الهوية الفنية الأردنية

وتاليا ما نشره النابلسي:
بدي افزع لقرايبي العبداللات
صدقوني يا إخوان أنا عمري ما شفت عمر العبداللات و لا قعدت معاه
بس عشيرة العبداللات اهلّي وقرايبي و بحبهم و بعزهم زي ولاد عم و اخوان و ما بدي ادخل بتفاصيل العلاقات معاهم
بدي افزع للفنان عمر اللي ( حبه واصل فوق الحد )
اللي حببنا كلنا (بطريق السلط) و اكدلنا انه وانت رايح على السلط ( ان تعبت الرجلين بنمشي على أيدينا ) اللي ما زعل ميمتنا لانه (زادت لينا حجارنا ) لانه ( حنا فلسطينيه حنا مو ارهابيه ) و اللي خلانا نروح على مادبا ( ام الحروف الخمسه ) و نروح ندور ( على شارع العشاق لماعين ) و بنفس الوقت إذا تعديت دوار صويلح على اليمين صرت تغني انه (شملت والنيه اربد ) و بحكم النسب نعم ( قلبي عليها متعود )
وانت قاعد بشرم الشيخ و شفت سفينه رايحه شرق صرت تغني ( يا مركب رايح على العقبة) و تعرفت على طفيلي من العيص ولما عرفت انه من هناك رده فعلي كانت ( حي الله العيص وحيا الله اللي ساكن فيها )
إذا مروح بالطياره و قبل ما توصل لحالك رح تغني ( طارت طياره من فوق الزرقاء )
هذا الشخص اللي غنى لكل مدينه ومحافظه بالاردن واللي أنا شخصيا إذا طالع مشوار طويل مع العيله لازم نسمع الزفه ( من بيت الاصايل ) على جزئين وارقص وأغني عليها أنا وعيلتي بالسياره
و حكيت وكتبت انه احلى اغنيه لعمر العبداللات هي اغنيه الكرك اللي ما خاطبت الجغرافيا بل خاطبت الكرك و حكت عن (رجال إلهيه )وانه( الكرك عروسة وهي الأصل هية )
طلعت اغنيه امس لعمر باللهجه الكركيه الجنوبيه المادبيه ( كيفكي … شلونكي…. ) قامت الدنيا وما قعدت
بس نتذكر انه هذا صوتنا اللي غنى اغنيه الحلم العربي وقال ( ومعانا وغنوا وقولوا الفن ده طوق ونجاه و من الحزن بنخلق فرحة من حرف طريق وحياه )
عمر حاول يخلق فرحة و بدي أتحدى بشهر حزيران اي فرحة وطلعة عروس من الكرك او كركية بعمان او الزرقاء رح نشوف اهلها وخواتها وبنات عمها رح يرقصوا و يزغردوا على الاغنيه الجديده
واذا ما زبطت خلينا نغفر ونسامح للشخص اللي نادى وقال ( يا سعد ) وغنى للملك حسين انه ( حبيبنا الليله وصل ) و اول اغنيه على عهد الملك عبدالله غنى للجيش و قال ( جيشنا جيش الوطن و سمينا باسم الله نحمي الوطن والعلم وعيون عبدالله )
وعلشان هيك زي ما غنى عمر باغنيه الزفه ( اول القول ذكر الله و الشياطين يخزيهم )
اخزوا الشيطان هذا صوت الأردن